Loading...



منتدى الحوار العام General Discussion

إنشاء موضوع جديد  إضافة رد
 
LinkBack أدوات الموضوع إبحث في الموضوع انواع عرض الموضوع
قديم 04-04-2013, 02:06 PM   #1
صديق ايجيبت سات
 
الصورة الرمزية مستر صُلاَّحَ
 

افتراضي الفرق بينك وبينها

هو يتصل بها
تكنسل وتبعتله رساله بسرعه

"معلش انا فى الدرس هطلع واكلمك : ) "


هى تتصل به
يكنسل
تنظر إلى الهاتف لا رسائل ولا أى شئ
بعد قليل
تتصل
يكنسل
تبعتله رساله

"اكيد مشغول لما تخلص كلمنى"
يخلص اليوم تتصل
يكنسل
تنام ودموعها تبلل وسادتها



تحدثه فى يوم
يبدأ هو بالحديث

"معلش كنت مشغول"
"طب على الاقل رساله"
"مش معايا رصيد"
"طب حتى رد فهمنى انك مشغول"
"معلش كان معايا ناس معرفتش اتكلم"
"ولايهمك"





تستيقظ من نومها
يالهوى انهارده ورايا مذاكره كتير
فجأة تجد منه رساله

": ( "
تتصل فورا
"مالك فيك ايه؟"
"مخنوق"
"طب من ايه؟"
"مش عارف،انا اول ما اضايقت حسيت انى عاوز اكلمك"
تنظر إلى كتبها وإلى الساعة
وراها درس بعد شوية ومش مذاكره

"متضايقش انا معاك : ) "
وتقعد تكلمه وتهزر معاه لغايه ما تخليه يضحك وينسى الهم



فى يوم تانى بتعتله رساله
" مخنوقة أوى "
مفيش رد منه
تتصل
يكنسل
تبعت رساله تانى

" بجد تعبانة جدا، ومحتجاك"
تتصل تانى
يكنسل

"طب ابعت حتى رساله اى حاجه انت معاك رصيد"
مفيش حاجه منه
تعيط مش عارفه تعمل ايه عشان تهدى
تفضل تعيط وتدعى ربنا لغايه ما تنام



تكلمه تانى يوم
يكنسل
وبعد محاولات كتيرة
يرد

"ازيك الاول"
"الحمدلله تمام...أنت عامل ايه؟"
"الحمدلله...ممكن تكلمينى كمان شوية عشان ورايا شغل؟"
تسكت شوية وهى فعلا مخنوقه من امبارح ومحتاجة تكلمه وترد
"حاضر"
بعدها بشوية تتصل
يكنسل
تبعتله رساله

"مش قادره بجد مضايقه اوى ومش مستحمله"
تتصل
يكنسل
تجلها حاله هستريا
هى واثقة انه مش هيرد
فتروح متصله يكنسل تتصل يكنسل تتصل
يروح ميكنسلش تفضل تتصل لغايه ما تهدى



تبعد فترة وتحس انها عاوزة تكلمه
ياترى تتنازل تاانى وتكلمه
ممممممممم
اكلمه
مكلموش
اكلمه
مكلموش

اكلمه هو ااكيد كان مشغول جامد : )

وتكلمه
وتسلم عليه وتقوله
"انا زحلانه منك"
"انا عارف"
"وده معناه؟"
"معلش بجد كنت مشغول"
"بس انا كنت مضايقة يعنى الشغل اهم منى ؟"
"مش اهم منك...بس من غيره مش هنعرف نكون لبعض"
"ممممممم ماسى : ) "
"بحبك يابت أنتى"
""




فى مكالمة تانى
"انا مضايقة"
"وانا كمان"
تفكر هو مضايق مينفعش احنا الاتنين تكون مضايقين هحاول اضغط على نفسى عشانه وبعدين هو هيبقى يهيدنى
وتقعد تهزر معاه شوية


بعدها بفتره
تتصل ميردش
تبقى هتتجن
طب هو بخير
يارب يكون بخير
وتفضل تتصل
تلاقيه انتظار
تبقى هتتجنن
تتصل تانى يكنسل
طب معنى انه انتظار يعنى فاضى اوووووووووف

وتقعد تبعتله رسايل وميردش بردو تروح قايله فى سرها بلاش خناق حياتنا هتبقى سعادة وتبعتله رسايل رومانتك

تكلمه مفيش فايدة
تبقى محتاجه حتى تسمع صوته وسعات دى بيستكترها عليها
ويروح باعتلها رساله

"الموضوع مقفول ولو اتصلتى تانى هغير الارقام"
تتصدم
اه دى عاته بس كل مره بتوجعها
بينهى كل ما بينا عشان مضايق
ترد تقوله

"مش هتناقش بس لو احتجتنى فى يوم هتلاقينى ومتترددش انا دايما بابى مفتوح"


تحاول تهدى وتفتكر اللى حصل
ده هددنى
اه ياقلبى
باعنى فى ثانيه فى لحظة ضيقه
حتى وانا محتجاه مش لقياه
عملتله ايه عشان كل ده
كان كل ذنبى انى حبيته حتى أكتر من نفسى
وتفضل تعيط
يارب ساعدنى
يارب انساه
فعلا لازم انسى كفايه ذل واهانة للكرامة


وبالفعل تفضل تتألم شوية
وبعد فترة تبدأ تتعود على الحياة من غيره
بتطمن عليه من بعيد كل فترة والتانية

تفكر تكلمه بس لا كرامتى كفايه ألم بلاش عذاب من تانى
تكلمه من رقم غريب تسمع صوته وتقفل
تضعف فى يوم وتكلمه
يعتذرلها على اللى حصل زمان ومكنش بقصده ومكنش هيعمل اللى قاله
هى لسه بتحبه بس جواها لا مش هرجع كفايه اللى حصل
تكمل المكالمة تسمع منه انه مضايق ويقولها

"تعبان متسبنيش ارجع انعزل تانى"
تبقى هتموت وتقوله لا كفايه هترجع تعذبنى تانى مش هستحمل مبقاش عندى قدرة انى اتألم ضحيت بكل حاجة مبقاش فى حاجه فاضلة اضحى بيها بس مع كل ده ترد وتقوله
"حاضر مش هسيبك...انا جنبك "

ويعيشوا اسبوعين فى سعادة ويرجع يحصل كل اللى حصل تانى
دايرة بتكرر باختلاف الزمن والمكان
الكلمات بتتغير بس ليها نفس المعنى





هى بتضحى بكل حاجة عشان تسعده حتى مستقبلها وممكن تهدى نفسها لو مضايقة عشان لقته مضايق وشايفه ان دورها انها تهديه بتحبه اوى رغم انها متأكده مليون فى المية ان عمره ما هيبقى نصيبها بس مش قادرة تسيبه خايفة عليه رغم انها سعات بتحس جامد جدا انه مش بيحبها وحتى مش لايقه سبب انها تفضل جنبه بس مش عاوزة تسيبه وبتسامحه دايما وبتستحمل كل حاجة عشانه وبتحكم دايما قلبها معاه

هو بيحبها بس هى مش عنده أهم حاجة مستعد يضحى بيها اول حاجه عشان يوصل للى عاوزه وقت ضيقه ممكن يبعها سعات بيبقى متردد ياترى هو اصلا بيحبها ولا لا ولو بيحبها ليه بيعمل معاها كده...بيقنع نفسه انه خايف على مصلحتها عارف انها مش ليه ومش عاوز يربطها بيه..سعات بيضعف ويرجعلها وبعدين يرجع يبعد تانى اه بيعذبها بس غصب عنه وغالبا بيتعمل عقله معاها


هى مش مهتميه بالمستقبل خياليه بتقول مين عالم بكرة ممكن يحصل ايه ممكن الظروف تتغير ممكن ربنا يقف معانا ونكون من نصيب بعض يارب سامحنا وخليك جنبنا هنساعد بعض اننا نقرب منك

هو واقعى متأكد انها مش ليه عاوز يبعدها عنه ومش قادر هى متعلقه بيه
اه اخر فترة بدأت تحكم عقلها اكتر بس بردو بتحبه
بيضايق لما يحس انها نسيته بس بيفرح انها بدأت تستعمل عقلها


هى خلاص مبقتش قادرة تستحمل مش عاوزاه يكون نصيبها رغم انها بتحبه اوى بس مش هتستحمل كل تصرفاته دى فى المستقبل
عاوزة تكون جنبه دلوقتى وخايفه من المستقبل وانها كده بتعصى ربنا
بتبعد وتحاول تستحمل وتقول لأصحابها لو بموت متخلونيش ارجعله
ومن جواها يارب اقدر اعمل كده هى حاسه انها هتضعف تانى وتكلمه عشان على الاقل تطمن عليه وتسمع صوته وكل اللى حصل هيتكرر معاها تانى وهترجع تتألم تانى



هو مش عارف هيفضل بعيد عنها ولا لا
حاسس انها هترجع فى يوم من الايام لوحدها تانى
وان كل اللى حصل ده هيتكرر تانى
هيرجع يقولها بحبك ويقولها الموضوع مقفول بعدها تانى
يقرر ان ده مش هيحصل تانى وانه فعلا لازم يبعد بس مش واثق انه هينفذ القرار ده


رغم كل ده
مازال فى فرق بينك وبينها
حتى ولو بتحبها
هى بتحبك اكتر


عرفت الفرق بينك وبينها؟

هى بتستحمل عشانك وبتتألم وبتسامح وقت ضيقها انت اهم ومستعده تضحى بكل حاجه عشانك و راحتها فى وجودها جنبك حتى ولو مش هتتكلموا يكفى انها تسمع صوت انفاسك عشان تكون بخير
انت العكس تماما حتى ولو بتقول انك بتحبها الحب طول عمره بالأفعال مش بالكلام

هو ده ببساطه الفرق بينك وبينها
مستر صُلاَّحَ غير متواجد حالياً   رد مع اقتباس
قديم 04-04-2013, 02:20 PM   #2
صديق المنتدى
 

افتراضي

بارك الله فيك
ابو مهند غير متواجد حالياً   رد مع اقتباس
قديم 04-04-2013, 05:49 PM   #3
صديق المنتدى
 
الصورة الرمزية abood
 

افتراضي

موضوع مميز
abood غير متواجد حالياً   رد مع اقتباس
قديم 04-04-2013, 05:53 PM   #4
صديق ايجيبت سات
 
الصورة الرمزية مستر صُلاَّحَ
 

افتراضي

مستر صُلاَّحَ غير متواجد حالياً   رد مع اقتباس
قديم 04-04-2013, 06:24 PM   #5
عضو سوبر
 

افتراضي

تسلم الايادى ياغالى
ahmed3dm2 غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
إحرص على أن يكون بينك وبين الله عز وجل سر IMAM المنتدى الأسلامى العام 5 04-05-2013 11:32 AM
اسطوانة ماالذى يحول بينك وبين التوبة محمد صفاء الأدعية و الكتب والاسطوانات والتفاسير الاسلامية 6 04-04-2013 11:34 AM
أعمال تحرم بدنك على النار فلا تفوتها محمد صفاء المنتدى الأسلامى العام 6 03-31-2013 12:38 PM
ثلاثة أعمال تحرم بدنك على النار فلا تفوتها lahif المنتدى الأسلامى العام 7 03-07-2013 10:01 PM


الساعة الآن 09:00 AM


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123