Loading...


العودة   ايجيبت سات > :: .. °° المنتــــــدى الأجتماعى العـــــــام°° .. :: > قسم الاسرة وتربية الاطفال > ركن الام والفتاة


ركن الام والفتاة mother and daughter Corner


إنشاء موضوع جديد  إضافة رد
 
LinkBack أدوات الموضوع إبحث في الموضوع انواع عرض الموضوع
قديم 04-09-2016, 12:56 AM   #1
كبير مراقبى المنتدى الاجتماعى العام
 


new فتاة تتحدي نفسها وتخس أكثر من 57 كيلو فى عام واحد فقط بدون أي أدوية أو تدخل جراحي

الفتاة التي أثارت الجدل في الكثير من مواقع التواصل الجتماعي، إنها “هند عبد الهادي”، حيث انتشرت صورها على الكثير من مواقع التواصل الإجتماعين بعد ملاحظة الفرق الكبير بين وزنها العام الماضي ووزنها هذا العام، نعم فهذه الفتاه خست 57 كيلو في عام واحد فقط، بدون ان تتناول أي أدوية، ولن تلجأ ايضا لأي تدخل جراحي ولكن عملت على نفسها ولم تعمل فى جانب الأكل فقط بل عملت على الجانب النفسي كذلك حتى أصبحت اقل وزنًا ونفسيتها مرتفعة.
وبالطبع بعد أن انتشرت صورتها كثرة الأسئلة لهند حول الطريقة التي وصلت بها إلى هذا الوزن وكيف فعلت ذلك وأجابت هند على هذه التساؤلات عبر ما نشرته على حسابها الشخصي على الفيس بوك، اوضحت من خلاله أن حبها لنفسها كان من اسباب نجاحها حيث تغلب حب النفس عندها عن حب الطعام، وأن الأكل الصحي فقط هو ما وصل بها إلى هذه النتيجة، هذا ما لم يصدقة الكثيرين، ولكن هند أكدت إنها لم تكن لتحرم نفسها من شئ ولكن بشكل صحي وسنعرض لكم الآن ما كتبتة هند على حسابها الشخصي على الفيس بوك توضح من خلاله ما مرت به بالتفصيل :




ودة اللى حصل فى سنه كامله



من شهر مارس /٢٠١٥ الى مارس / ٢٠١٦

خسيت ٥٧ كيلو

فى ناس كتير بتسألني خسيتى ازاى ؟ ولما بقول بأكل اكل صحى بس ، بيفتكرونى مش عاوزة أقولهم ( مش سر القنبلة الهيدروجينية على فكرة ) بس هو دة اللى حصل انا خسيت كدة 😉بأكل كل حاجه بطريقة صحيه ، يعنى بأكل لحمه مثلا بس من غير دهن تماما ، او بأكل طعميه مثلا بس مش مقليه بتكون معموله فى الفرن بنقطه زيت او فى طاسة تيفال وخضار وفاكهه كتير ، والعشا زبادي لايت بليمون بس ، ومية كتيييير . والحقيقه ان الاكل الصحى انعكس على صحتى وشكلى بشكل فاجأنى انا شخصيا ، فى الوقت دة بقى كنت بشتغل على نفسى نفسيا انى مثلا ديما اقول ان الشكولاته والشيبسى والبيبسي بيضرونى وبيرفعوا سكر الدم وبيوقفوا الحرق ،وان الفاكهه والتوست البراون والعيش البلدى والجبنة اللايت والشكولاته الكروناالدارك دول بيخلونى صحتى احسن وشكلى احسن ( والله وجه اليوم اللى اكل فيه الشكولاته الدارك) 😀😀 وأننا بناكل علشان نعيش مش بنعيش علشان نأكل وان السعادة موجودة فى حاجات تانيه كتير غير الاكل 👍 ولما بابا تعب فى شهر يوليو / ٢٠١٥ وعرفت ان حالته كانت جلطة فى الشريان التاجى الامامى فى القلب ودة سببله دهون على القلب وكوليسترول عالى وادوية توسعه شرياين وطبعا أدوية ضغط عالى ، حقيقى خفت عليه جداً ( وممكن أكون اتصدمت فى الحاله اللى وصلها وبجد كانت مفجأءه ) رغم ان بابا راجل مش تخين بس عرفت ان دة نتيجه للتدخين والعادات الغذائيه الغلط ، غير بابا كنت ببص على اى حد سنه كبير من قريبى او معارفى بلاقيه مريض سكر او ضغط او على الأقل رجليهم وجعاهم ، وانا مش حابه فى يوم من الايام أبقى كدة ، فقررت احب نفسى وأغير نفسى. شكلى وصحتى ، وان احنا لما هنحافظ على جسمنا ( المعدة والكلى والاجهزة اللى فى جسمنا ) ربنا هيكافئنا بالشكل الحلو ودة اللى حصل ، الاكل الصحى بقى اتجاه لناس كتير جداً دلوقتى وانا شخصيا اعرف بنات وشباب كتيييييير بيأكلوا اكل صحى وبيلعبوا رياضة ومش بيقولوا معندناش وقت 😉اللى عاوز حاجه بيعملها ، الأقوياء بس اللى بيوصلوا لأهدافهم ومبيتزلوش عن احلامهم ، اوعى تقولى ان عمرودياب الراجل اللى سنه عدى ٦٠ سنه وهو بالجسم الرياضى دة بيأكل بيتزا او بيفطر طعميه وفول غرقانين فى الزيت ، وان نيكول كدمن اللى اختاروها اجمل نساء الارض ٢٠١٥ 👸لما سألوها بتعملى ايه وازاى محافظة على جمالك وشبابك فى السن دة قالت بأكل اكل صحى بلعب رياضة ٦ ايام فى الاسبوع واليوم السابع بأكل كل اللى نفسى فيه ( ودى نيكول كدمن مش اى حد يعنى )🌺 فى يوم من الايام كنت بكرة الزبادى وبشوف ان اللى اخترعها حد معندوش دم ولا ضمير ، النهردة لو مفيش زبادى فى البيت ممكن انزل مخصوص اشتريها لانها مهمه جداً فى تنظيم الهضم ، وكنت بكرة البطيخ وبحب المانجا 😍النهردة انا ممكن اكل طول اليوم بطيخ بس 😋والمانجا فى عز الموسم بتاعها بأكل واحدة بس فى الاسبوع وفى يوم من الايام مكنتش بحب المشى النهردة بمشى على الأقل ساعه فى اليوم 😍. اخر حاجه عاوزة اقولها ان أسهل حاجه انك تحافظ على صحتك وأصعب حاجه انك تهمل صحتك وتتفاجئ فى يوم من الايام انك مضطر تأكل اكل معين مفروض عليك او تبقى ماشى بشنطة أدوية او انك تبقى فى عز Coolشبابك ومش قادر تطلع السلم، اختار صحتك وسعادتك لان السعادة قرار
احمد عوض متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ضبط 602 كيلو لحوم غير صالحة و975 كيلو أسماك بدون تصريح ابو رباب أخـــبار مصر ( ام الدنيا ) 0 03-02-2015 09:30 PM
رجيم يفقدك 10 كيلو في شهر واحد احمد عوض ركن الام والفتاة 1 10-24-2013 08:22 PM
أعجز عن تخيل العالم بدون ستر الله لنا abood المنتدى الأسلامى العام 3 07-07-2013 12:25 PM
راديو اسلامى ( 25 اذاعة لكل قارئ - 5 اذعات قرانية )بحجم 1 كيلو بايت tariq الصوتيات والمرئيات الأسلامية 8 07-02-2013 12:30 AM
هيويت يطيح بديل بوترو ويصعد للمربع الذهبي ببطولة كوينز للتنس kiko10 منتدى الرياضات الاخرى 2 06-14-2013 11:45 PM


الساعة الآن 02:22 PM


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123