Loading...




المنتدى الأسلامى العام General Islamic Forum


إنشاء موضوع جديد  إضافة رد
 
LinkBack أدوات الموضوع إبحث في الموضوع انواع عرض الموضوع
قديم 06-26-2013, 01:49 PM   #1
عضو سوبر
 
الصورة الرمزية tariq
 


افتراضي إنكار فرضية الحجاب



الشبهة الأولى: الحجاب تزمّت والدين يسر:
يدّعي بعض دعاة التبرج والسفور بأنّ الحجاب تزمّت في الدين، والدين يسر لا تزمّتَ فيه ولا تشدّد، وإباحة السفور مصلحةٌ لأن الحجاب مشقة في عصرنا الحالى

الجواب:
1- إن تعاليم الدين الإسلامي وتكاليفَه الشرعية كلها يسر لا عسرَ فيها، قال تعالى: {يُرِيدُ ٱللَّهُ بِكُمُ ٱلْيُسْرَ وَلاَ يُرِيدُ بِكُمُ ٱلْعُسْرَ} [البقرة:185]، وقال تعالى: {وَمَا جَعَلَ عَلَيْكمْ فِى ٱلدّينِ مِنْ حَرَجٍ} [الحج:78]، وقال: {لاَ تُكَلَّفُ نَفْسٌ إِلاَّ وُسْعَهَا} [البقرة:232]. الآيات دى صريحة في التزام مبدأ التخفيف والتيسير على الناس في أحكام الشرع.

وعن أبي هريرة رضي الله عنه أن رسول الله صلى الله عليه وسلم قال: ((إن هذا الدين يسر، ولن يشاد الدين أحد إلا غلبه، فسدّدوا وقاربوا وأبشروا))[2]،

ومعروف أنه لا يجوز الاستزادة في التخفيف على اللى ورد بيه النص، زى مثلا اننا نقول ان الجنود بيتعبوا فى الحرب ف رأفةً بيهم مايصلوش !، أو إن البعد عن الربا في زماننا ده فيه مشقة ف لازم نتعامل بيه ، أو إنّ مشقة التزام الحجاب في بعض المجتمعات تبيح للمرأة التبرج !!
ماينفعش احنا مش هانفصل احكام وشرائع حسب هوانا وأحوالنا احنا .. ربنا لطيف خبير عليم بحال عباده


الشبهة الثانية: الحجاب من عادات الجاهلية فهو تخلف ورجعية:

قالوا: إن الحجاب كان من عادات العرب في الجاهلية، لأنّ العرب طبعهم حماية الشّرف، ووأدوا البنات علشان كانوا خايفين من العار، وبالتالى أجبروا النساء على الحجاب تعصبًا لعاداتهم القبلية اللي جاء الإسلام بذمّها وإبطالها، حتى إنّه أبطل الحجاب، فالالتزام بالحجاب رجعية وتخلّف عن ركب الحضارة والتقدم.

الجواب:
1- إن الحجاب اللي فرضه الإسلام على المرأة مكانش يعرفه العرب قبل الإسلام، ده ربنا سبحانه وتعالى ذمّ تبرّج نساء الجاهلية، و وجه نساء المسلمين إلى عدم التبرج علشان مايتشبهوش بنساء الجاهلية، فقال جلّ شأنه: {وَقَرْنَ فِى بُيُوتِكُنَّ وَلاَ تَبَرَّجْنَ تَبَرُّجَ ٱلْجَـٰهِلِيَّةِ ٱلأولَىٰ} [الأحزاب:33].

صحيح أن الإسلام لما جه أبطل عادات ذميمة للعرب، ولكن بالإضافة لكده كانت ليهم عادات جميلة أقرّها الإسلام و لم يبطلها، كإكرام الضيف والجود والشجاعة وغيرها.
وكان من ضمن عاداتهم الذميمة خروج النساء متبرّجات كاشفات الوجوه والأعناق، و ظاهرين للزينة ا، ففرض الله الحجاب على المرأة بعد الإسلام علشان يرتقى بيها ويصون كرامتها، ويمنع عنها أذى الفسّاق
2.إذا كانت النساء المسلمات راضيين بلبسهم ايه اللى مضايق الناس دى ؟ حاجة عجيبة جدا يعنى تلاقيهم دايما يقولوا الحرية الشخصية وبينادوا بيهم ويقدسوها وبعدين من ناحية تانية يتدخلوا فى حرية غيرهم !!
3- وبعدين التخلف ليه أسبابه، والتقدم ليه أسبابه،من امتى كان التقدم والحضارة ليهم ارتباط بلبس الانسان ؟ الحضارة والتقدم والتطور ده بيبقى نتيجه فكر الانسان وعمله مش بلبسه ومظهره


الشبهة الثالثة: عفة المرأة في ذاتها لا في حجابها:
بيقولوا إن عفة البنت حقيقة كامنة في ذاتها، مش مجرد غطا تغطى بيه جسمها، كام واحده محجبة او منتقبه بس سلوكها مش كويس ، وكام واحده مش محجبة محترمة فى سلوكياتها واخلاقها
الجواب:
ده صحيح ، طبعا الهدوم مابتصنعش لصاحبها خلق وسلوك هو مش عنده،بس من اللى قال ان الحجاب فُرض علشان يعف المرأة فى اخلاقها او يخاليها طاهرة نقية ؟!.
ومين اللى قال ان الحجاب فُرض علشان يكون اعلان ان كل واحده مش محجبة هى خلاص اخلاقها مش كويسة ؟!
ربنا عز وجل فرض الحجاب على المرأة علشان تحافظ على عفة الرجال اللى عنيهم ممكن تقع عليها مش حفاظ على عفتها من العيون اللي بتشوفها بس ،
لإن بلاء الرجال باللى بيشوفوه من مغريات من النساء هو المشكلة اللي أحوجت المجتمعَ إلى حلّ، فكان شرع الله افضل حل يعنى الحجاب مش علشان تحافظ على نفسها بس لأ وكمان تحافظ على عيون الرجال وبكده بتساعد فى اصلاح المجتمع

الشبهة الرابعة: الحجاب كبت للطاقة الجنسية:
قالوا: إنّ الطاقة الجنسية في الإنسان طاقة كبيرة وخطيرة، وخطورتها في كبتها، وزيادة الضغط يولّد الانفجار، وحجاب المرأة يغطّي جمالها، وبالتالي فالشباب بيفضلوا في كتب جنسيّ ممكن ينفجر أحيانًا على شكل حوادث الاغتصاب وغيرها، والعلاج للمشكلة دى يبقى في تحرير المرأة من الحجاب علشان ينفس الشباب الكبت اللي فيهم، وبالتالي يحصلهم تشبع ، فيقلّ خطورة الانفجار بسبب الكبت والاختناق
شفتوا الحلاوة ؟ يعنى بدل ما نقوم الشباب نروح نعرى البنات

الجواب:
1- لو كان الكلام ده صحيح يبقى أمريكا والدول الأوربية هي أقلّ الدول في العالم في حوادث الاغتصاب والتحرّش في النساء و الجرائم الأخلاقية، لأن أمريكا والدول الأوربية ادت الجانب ده عناية كبيرة جدًا بحجة الحرية الشخصية، وكانت النتيجة ايه ؟ هل قلّت حوادث الاغتصاب؟ هل حدث التشبّع اللي بيتكلموا عنه؟
جاء في كتاب "الجريمة في أمريكا": إنه تتم جريمة اغتصاب بالقوة كل ستة دقائق في أمريكا[34]. ويعني بالقوة: أي تحت تأثير السلاح.
وقد بلغ عدد حالات الاغتصاب في أمريكا عام 1978م إلى مائة وسبعة وأربعين ألف وثلاثمائة وتسع وثمانين حالة، لتصل في عام 1987م إلى مائتين وواحد وعشرين ألف وسبعمائة وأربع وستين حالة.
وطبعا الاحصائيات دى بتكذب الادعاء ده
2- الغريزة الجنسية موجودة في الرجال والنساء، وهي سرّ أودعه الله تعالى في الرجل والمرأة لحِكَم كتيرة، منها استمرار النسل. ومش ممكن حد ينكر الغريزة دى، وبعدين يطلب من الرجال أنهم يبقوا طبيعيين أمام مناظر التكشف والتعرّي من غير اى اعتبار لوجود الغريزة



الشبهة الخامسة: الحجاب يعطل نصف المجتمع:
قالوا: إن حجاب المرأة بيعطل نصف المجتمع، لإن الإسلام يأمرها أنها تبقى في بيتها.
الجواب:
1- الأصل في المرأة أنها تبقى في بيتها، قال الله تعالى: {وَقَرْنَ فِى بُيُوتِكُنَّ وَلاَ تَبَرَّجْنَ تَبَرُّجَ ٱلْجَـٰهِلِيَّةِ ٱلأولَىٰ} [الأحزاب:33]. و ده مش معناه إهانة المرأة وتعطيل طاقاتها، لا ده هو التوظيف الأمثل لطاقاتها

2- والحجاب مش بيمنع المرأة انها تقوم بواجباتها، ولا بيعيقها انها تتعلم هى تقدر تعمل كل ده مع الحفاظ على حجابها واجتناب الاختلاط ،
وكتير من طالبات الجامعات لابسين حجابهم الشرعى عادى جدا وباعدين تماما عن الاختلاط و مع ذلك متوفقات وكانوا موضع تقدير من كل المدرسين والطلاب

3- ده اصلا خروج المرأة ومزاحمتها الرجل في أعماله وتركها الأعمال اللي مش ممكن يقوم بيها غيرها هو ده اللى بيعطل نصف المجتمع، لا ده هو السبب في انهيار المجتمعات وانتشار الفساد والجرائم وانفكاك الأسَر، لأن مهمة رعاية الاطفال وتربيتهم والعناية بيهم ـ هي من أشرف المهام وأعظمها وأخطرها ـ والمهمة دى لو اهملتها المرأة تبقى سبب فى مشاكل ومصايب كتير



الشبهة السادسة: السفور حقّ للمرأة والحجاب ظلم:
زعموا أن السفور حقّ للمرأة، المجتمع حرمها ، أو ان الراجل الشرقى الانانى الشرير المتعصب حرمها منه ، وشايفيم أن الحجاب ظلم ليها وسلب لحقها.
الجواب:
1- مش الراجل اللى فرض الحجاب على المرأة فتقوم ترفع قضيه فى المحكمة علشان تخلص من الظلم ده، إنما الاي فرض الحجاب على المرأة هو ربها وخالقها اللي ماتقدرش ـ إن كانت مؤمنة ـ أنها تجادله سبحانه في اللى أمر بيه أو يكون ليها الاختيار في الأمر، {وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى ٱللَّهُ وَرَسُولُهُ أَمْرًا أَن يَكُونَ لَهُمُ ٱلْخِيَرَةُ مِنْ أَمْرِهِمْ وَمَن يَعْصِ ٱللَّهَ وَرَسُولَهُ فَقَدْ ضَلَّ ضَلَـٰلاً مُّبِينًا} [الأحزاب:36][50].

2- الحجابَ نفسه مش بيشكل قضية ، لان الحجاب فرض في عهد رسول الله صلى الله عليه وسلم، ونفذ في عهد، واستمر بعد كده 13 قرن ورا بعض ومحدش قال: إن المرأة كانت في عهد رسول الله صلى الله عليه وسلم مظلومة.
ف لو وقع عليها الظلم بعد كده لما تخلّف المسلمون عن عقيدتهم الصحيحة ف مش الحجاب هو منبع الظلم ولا سببه ، لأنه كان موجود في خير القرون على الإطلاق.انما بُعد المسلمين عن شريعتهم اللى عمل كده


الشبهة السابعة: الحجاب رمز للغلو والتعصب الطائفي والتطرف الديني:
زعم أعداء الحجاب أن حجاب المرأة رمز من رموز التطرف والغلو، وعلامة من علامات التنطع والتشدد، لانه بيسبب تنافر في المجتمع وتصادم بين الفئتين، وده ممكن يؤدى إلى الإخلال بالأمن والاستقرار.
الجواب:
1- الدعوى دى مرفوضة من أساسها، فالحجاب مش رمز ابدا للكلام ده ،لأن الرمز هو اللى مالوش وظيفة إلا التعبير عن الانتماء الديني لصاحبه، زى الصليب على صدر المسيحي أو المسيحية، والطاقيه الصغيرة على رأس اليهودي،مالهمش وظيفة الا الاعلان عن الهوية. أما الحجاب ليه وظيفة معروفة وحِكَم نبيلة، هي الستر والحشمة ،ومخطرش ببال اللى بتلبسه من المسلمات أنها تعلن عن نفسها وعن دينها، هى بس بتطيع أمر ربها،يعنى هو شعيرة دينية، مش رمز للتطرف والتنطع.

وبعدين الكدبة دى اللي أطلقوها على حجاب المرأة المسلمة لماذا ماقالوهاش ليه على حجاب الراهبات؟!
ليه مقالوش: إن حجابَ اليهوديات والنصرانيات رمز للتعصب الديني والتميز الطائفي؟!
ليه مقالوش: إن تعليق الصليب رمز من رموز التطرف الديني والسبب فى الحروب الصليبية؟!
ليه مقالوش: إن اليهودي لما يحط الطاقية الصغيرة على رأسه كده بأه رمز من رموز التطرف الديني وبسببه بيحصل مجازر وارهاب في فلسطين المحتلة؟!

2- الادعاء ده بيكذبه التاريخ والواقع،فين المفاسد المزعومة دى والحجاب لبساه المرأة المسلمة من أكتر من 14 قرن؟!
3- ارتداء المرأة للحجاب تم من منطلق عقدي وقناعة روحية، هي مالبستش الحجاب بقوة الحديد والنار، ومداعتش غيرها إلى الحجاب إلا بالحكمة والحجج الشرعية والعقلية، بالعكس بأه إلزام المرأة بخلع حجابها هو رمز التعصب والتطرف اللاديني، وهو ده اللى بيسبب التصادم وردود الأفعال السيئة، لأنه اعتداء على الحرية الدينية والحرية الشخصية.

افتخرى يا مسلمة بحجابك
افتخرى
والفخر مش بالكلام بس
ابتدى صححى حجابك وألبسيه صح علشان تبقى صد لكل واحد يفكر يتكلم عن الحجاب بنص كلمة
اتحجبى قلبا وقالبا
التزمى بالحجاب الشرعى فى شكلك وفى اخلاقك وتعاملك وسلوكياتك
tariq غير متواجد حالياً   رد مع اقتباس
قديم 06-26-2013, 02:31 PM   #2
صديق المنتدى
 

افتراضي

بارك الله فيك اخي وجعل عملك في ميزان حسناتك
IMAM غير متواجد حالياً   رد مع اقتباس
قديم 06-26-2013, 05:13 PM   #3
صديق المنتدى
 
الصورة الرمزية Mr. Mahmoud
 

افتراضي

جزاك الله خيرا اخي
وجعل عملك في ميزان حسناتك
Mr. Mahmoud غير متواجد حالياً   رد مع اقتباس
قديم 06-26-2013, 11:25 PM   #4
صديق المنتدى
 
الصورة الرمزية الساهر
 

افتراضي

الساهر غير متواجد حالياً   رد مع اقتباس
قديم 06-27-2013, 08:25 AM   #5
صديق المنتدى
 
الصورة الرمزية abood
 

افتراضي

abood غير متواجد حالياً   رد مع اقتباس
قديم 07-02-2013, 10:56 PM   #6
عضو سوبر
 
الصورة الرمزية tariq
 

افتراضي

tariq غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الإعلامية منى سلمان مرشحة لتقديم برنامج «الحياة اليوم» على قناة الحياة حسام مشعل المنتدى الفضائى العام 0 09-02-2014 10:03 PM
الحكمة من فرضية الصلاة في السماء دون بقية العبادات!! ابو ساره 2012 المنتدى الأسلامى العام 4 05-24-2014 09:07 AM
إنكار علامات الساعة كفر abood المنتدى الأسلامى العام 4 03-04-2014 10:01 AM
الديلي ميلي تنشر فرضية مجنونة لليوفنتوس ,,كافاني مقابل بوغبا . DR TAREK الكرة الايطالية 3 01-26-2014 06:30 PM
زينيت يقع في فخ التعادل في عقر داره أمام فريق أمكار شادي1980 الاخبار العــالمية 0 11-03-2013 07:34 AM


الساعة الآن 11:33 AM


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123